Google ADS

Kurti: Kosova edhe pse ishte pa lojtarët kryesorë përsëri gjeti mënyrën për të na gëzuar

09:19 | 19 Nëntor 2023
E.H

Barazimit të ndeshjes së mbrëmshme, Zvicër-Kosovë, i është gëzuar kryeministri i vendit, Albin Kurti.

Me anë të një postimi në Facebook, Kurti tha se Kosova edhe pse pa lojtarët kryesorë, gjeti mënyrën për të na gëzuar, shkruan Arbresh.info.

“Pa lojtarët kryesorë, kundër një ekipi që është në mesin e Top 15 kombëtareve të futbollit në botë, si mysafire, Kosova mbrëmë përsëri gjeti mënyrën për të na gëzuar. Barazim në Basel, sikurse edhe në Prishtinë”, ka shkruar Kurti.

Më tej, Kurti falënderon lojtarët kosovarë për emocionet teksa uron Zvicrën për kualifikimin në Euro 2024

“Faleminderit djemve tanë për emocionet në çdo ndeshje. Përvojën e fituar gjatë këtyre kualifikimeve, ta vëmë në funksion të përgatitjeve për fushatën e kampionatit botëror 2026. Zvicrës ia urojmë kualifikimin në Euro 2024”, shkruan Kurti./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm